Ons Storie...

Die Ontmoeting

Julie 2013 vind hulle mekaar by die beroemde lang arm plek, Dekke. Tanya en haar vriende sit heerlik by die tafels toe Thinus Tanya se ogies vang (en sy stilletjies by haar self dink.. "Shu aantreklikke man daai"). Lol. Thinus kom nou net van 'n hele dag se "Quad Bike" ryery en avonture. Hy het net so (na 'n paar valle op die grond paaie) met quad bike boots en half VOL GESTOFDE hemp met sy vriende na Dekke toe gegaan. Hy vertel sy vriende daai selfde dag... "Vannaand SAL ek my trou vrou ontmoet". Tanya dans met haar pelle en sien Thinus stap al hoe nader (Waar sy eintlik na 'n rukkie besef dat sy hom ken). Tanya loop na Thinus toe, groet en  raak toe aan die gesels. Na die Hallo's loop Tanya en gaan sit. (Sy gaan mos NIE agter n man aan nie!) Lol . Thinus loop toe na Tanya toe en vra haar om te dans (Vir Tanya is dit n baie groot oomblik, omrede sy VAS glo as 'n man kan REG langarm, is hy 'n KEEPER :) en natuuuurlik is sy toe baie opgewonde. (En dit was so). Van daardie dans af het Thinus by haar kom sit en BLY SIT! Toe 'n ander man haar wou vra om te dans, gryp Thinus haar arm, vou dit netjies in sy arms in en sè "Tanya is nou geclaim". Op 12 Augustus (na n paar wekies van mekaar GOED ken vra hy my toe amptelik om te KUIS! Lol 

​

Die Verlowing

​

12 FEBRUARIE 2015 - Tanya land in George (na 'n woeste 3 dae konferensie in die Kaap) Kom op die plaas en Thinus is nerens te vind nie. 'n Uur later kom Thinus ingejaag in die plaas huis (gee skaars 'n soentjie) en hardloop om n geweer te loop haal uit die kluis. Thinus se vir Tanya om saam hom te kom, daar is iets wat geskiet moet word. Tanya vra vir Thinus of sy net gou ander klere kan aantrek, HY SE NEE! Kom net so! (Nou kom ons kry gou n prentjie van TANYA in n somers rokkie en HIGH HEELS!!!, maar neee ons gaan SKIET net so! Eishhh.  Thinus vat Tanya toe na die pragtigste deel op die veld (Groen weivelde met die berg reeks as agtergrond en Tolla ons geliefde skaap hond agter op die bakkie) Tanya soek en soek vir die ding wat Thinus wil skiet, maar sien NIKS! (Net skaap, gras en bome, o en n kiewiet!) Toe hy die bakkie draai, het hy n pragtige tafel gedek met sparkling wyn, eetgerei en sout happies. Reg langs die tafel was 'n "CHALK BOARD" met ons ANNIVERSARY datum 12 FEB (2.5 jaar). Skielik klop Tanya se hart en besef oooo genade syt skoon vergeet dis hul Anniversary! Heerlik sit ons, maar Thinus is TJOEP stil! Tanya vra hom wat makeer, en hy se saggies "Is maar net moeg". Eweskielik fluit hy daar vir ou Tolla om nader te kom, Tanya sien iets hang om sy nek. (Tanya dink toe NEEEE kan nie wees nie, dis seker OORBELLETJIES of iets. Thinus se vir Tanya om die boksie (wat in n sakkie hang) oop te maak, maar Tanya sukkel. Die gesukkelry raak toe net te erg vir Thinus en hy vat toe die sakkie en skeur hom sommer oop (LOL, die NERVES!) hahaha. HY gaan toe op sy kniee en dis toe Tanya se hart begin klop en besef (OOOO genade hier kom dit nou!!!) Tanya se hart klop al hoe vinniger en Thinus vra toe (na pragtige woordjies) vir Tanya om sy vrou te word! JA MENSE, ek het gehuil! Lekkerste dag in ons lewe! (BESTE KOM NOG)  :) 

​